Usikawize ubatizo

 

Karibu kwenye ongezeka, ni podikasti inayoleta neno la kutiya moyo kwa wapandaji wa makanisa, kwa wachungaji na viongozi wa Kikristo.

Mimi ni muhamasishaji wenu leo, Daneille Snowden.

Tutaendelea na mjadala wetu kuhusu ubatizo wa maji na kujadiliana kwa swali lifuatalo :Sababu gani watu wamoja wanakawiza ubatizo wao ?

Wakati ukiuliza watu tofauti kuhusu swali hili, wanatoa sababu nyingi : woga, hisia ya kutukuwa kamili, mila zinazotofautiyana, ao tena wazo kwamba inafaa kujiandaa vizuri, kuwa na sare rasmi, nk.

Neno "kukawiza" linamaanisha kupeleka utendaji wa jambo kwa mda wa baadaye, kuizuwia wala kufanya namna jambo litendeke pole pole na ilivyo tarajiwa.

Tendo la kigriki linaloambatana na "kukawiza" linatokana na "chrono" ikimaanisha kuchukuwa mda, kukawa ao kukawia.

Japokuwa, tunaona ndani ya Neno la Mungu kwamba hapakuwa na mda wa kubatiza mtu baada ya yeye kukubali Yesu kama Mwokozi wake.

Katika Matendo 16.31-33, Mitume hawakukawiza ubatizo wakati watu walipo amini.

Paulo, aliyeitwa mbele Sauli, alibatizwa hapo hapo, kama tunavyoona katika Matendo 9.17-19.

Na katika Matendo 2:41, tunasoma : "Nao waliolipokea neno lake wakabatizwa; na siku ile wakaongezeka watu wapata elfu tatu."

Tunapashwa sote kukumbuka yale yanayofanyika kabisa wakati mtu anabatizwa.

Tunaweza kuanza na ubatizo wa Yesu.

Tendo hili kubwa lilifunua utambulisho wake kama Mwana wa Mungu ; alionyesha utatu utakatifu na alitangaza kifo chake na ufufuko wake kwa ajili ya dhambi za ulimwengu.

Baada ya ubatizo wake, Yesu aliachana na maisha yake ya ubinafsi ili kuingia wazi wazi katika umisheni wake.

Kama inavyosemeka : "ubatizo unakamilisha ushirika wa kila mwamini na Kristo. Ni tendo la imani linalotangaza mawasiliano mapya ya kila mwamini pamoja na Kristo. Ni tendo la imani linalotangaza mawasiliano mapya na Mungu." 

(Mwongozo wa Mkufunzi ? NVP, muhula 1, kipindi cha 2)

Katika myezi ya kipwa, mimi namume wangu tulikuwa ndani ya kikundi kinachoitwa "kongamano juu ya Yesu" tulishuhudia watu wengi waliotowa maisha yao kwa Yesu.

Kwa mwisho wa kipindi cha sifa, tunakuwa na beseni la maji mahali ambapo kwa miaka iliyopita, tuliona watu wengi wakibatizwa.

Wakati tunapobatizwa, tunatambulika kwa kifo na kwa ufufuo wa Yesu-Kristo.

"Ubatizo unakamilisha imani ndani ya Kristo, musamaha wa dhambi, na umoja ndani ya Kristo." (Fundisha na Ongezeka muhula 2)

Uzoefu wa ubatizo ni uzoefu wa kweli unaobadilisha maisha ya mwamini, pamoja pia na wale wanao shuhudia.

Unaimarisha imani ya wengine waamini na kushuhudia mbele ya wale ambao bado wanatafuta tumaini.

Kwa upande wangu, wakati nilipobatizwa, nafsi yangu ilijisikia hakika kuwa na ushirika pamoja na Yesu. Nilijisikia nikiwa karibu sana naye kwa kufanya hatuwa hii ya utii na upendo.

Ilikuwa Ongezeka.

Utapendelea kugawanya podikasti pamoja na wengine ?

Tayarisha waamini wapya kwa ubatizo

 

      Jambo kwa wote ! Naitwa Dean Davis, na tazama ''ongezeka'' ni podikasti inayoleta neno la kutiya moyo kwa wapandaji wa makanisa katika vijiji.

Shurti lililotolewa na Yesu katika Mathayo 28 linatupa maelekezo ya umisheni. Bwana wetu alisema : "Basi, enendeni, mkawafanye mataifa yote kuwa wanafunzi, mkiwabatiza kwa jina la Baba, na Mwana, na Roho Mtakatifu; 

na kuwafundisha kuyashika yote niliyowaamuru ninyi; na tazama, mimi nipo pamoja nanyi siku zote, hata ukamilifu wa dahari"

Wakati tunaposoma kitabu cha Matendo ya Mitume, tunaona ni kwa namna gani Mitume pamoja na wanafunzi wao, walivyotii Agizo. Sehemu moja muhimu ya mafundisho ya wanafunzi inahusu kubatiza. Na katika kitabu cha Matendo ya Mitume, Kanuni thabiti inajitokeza :

Kubatiza bila kupoteza mda.

Siku ya Pentekoste, Petro liuliza wasikilizaji wake pa Yerusalemu kwamba "watubu na kila moja wenu abatizwe kwa Jina la Yesu-Kristo, kwa ajili ya musamaha wa dhambi zenu" (Matendo ya Mitume 2:38). Baadaye kidogo, watu 3000 wakabatizwa.

Wakati Filipo alihubiri wakaaji wa Samaria, wengi waliamini. Biblia inasema katika Matendo 8:12 : "Matendo ya Mitume 8:12

[12]Lakini walipomwamini Filipo, akizihubiri habari njema za ufalme wa Mungu, na jina lake Yesu Kristo, wakabatizwa, wanaume na wanawake."

Baadaye kidogo, wakati yule Towashi mwethiopia alipo elewa Habari Njema ambayo Filipo alimueleza, akasema : "tazama maji ; ni nini basi kinanizuiya nisibatizwe ?" Na Filipo akambatiza.

Ubatizo wa Sauli katika Matendo 9, pia ule wa Kornelio pamoja na nyumba yake yote katika Matendo 10, pia ubatizo wa Lidia pamoja na nyumba yake, pia ule wa mlinda Gereza pa mji wa Filipi, akibatizwa pamoja na familia yake, wote wawili wakiripotiwa katika Matendo 16, pia ubatizo wa Crispus pamoja na nyumba yake yote katika Matendo 18, zinasimulia zote hadisi ya kufanana. Mitume na wanafunzi wao walibatiza wale walio sikia na kuelewa Habari Njema ya Yesu bila kupoteza mda.

Lakini ubatizo wa bila kupoteza mda, haukufanyika katika makanisa yaliyopandwa baada ya kipindi cha Mitume.

Makanisa mengi yalishurutisha vipindi virefu vya katekismu ao mafundisho ya kutayatisha ubatizo mbele ya kubatiza waamini. Wengine walipitisha mda mbele ya kubatiza sababu walitarajia kusubiri kuona matunda ya toba, wala tu hawakuwa na uaminifu na waamini wapya. Lakini hiyo haikuwa mtindo wala matendo ya Mitume.

Kanisa lako linatumika namna gani ? Wazee wanafundisha nini, wachungaji, wasimamizi ao maaskofu wa kanisa lako kuhusu mda unaofaa kubatiza na matayarisho yanayostahili kwa ubatizo ?

Kama haujue, nakuhimiza kutafuta hiyo habari kwa makini.

Lakini angalia kanuni moja ambayo naweza kuwapendekezea ili kuwasaidia kuhusu mda unaofaa kubatiza waamini wapya : muwabatize bila kupoteza mda.

Muhakikishe kama wameelewa injili.

Muongee nao ili muhakikishe kama wanamjuwa Yesu vizuri akiwa Mfalme wa maisha yao.

Muwafundishe ubatizo na maana yake.

Muhakikishe kama wameelewa damu inaosha roho zetu na kwamba maji ya ubatizo inamaanisha huo utakaso.

Muwasaidiye kuelewa kuwa wakati wanapotoka ndani ya maji baada ya wao kubatizwa, wanasimama ili kuishi maisha mapya ndani ya Kristo.

Muwasaidiye pia kugawanya Habari Njema pamoja na jamaa zao.

Lakini musikawize ubatizo wao.

Muhubiri Habari Njema. Mutayarishe kwa ubatizo wale wanaoelewa Habari Njema na wanaoweka tumaini lao kwa Kristo.

Muhakikishe kama hawa wanafunzi wapya wa Kristo wanabatizwa bila kukawa.

Ilikuwa ''ongezeka'' na mimi Dean Davis na ninawauliza swali hili : ni pamoja na wanani utagawanya nao leo neno hili la kutiya moyo ?

Amini Habari Njema

 

          Jambo kwa wote ! Naitwa Dean Davis, na tazama ''ongezeka'', ni podikasti inayoleta neno la kutiya moyo kwa wapandaji wa makanisa katika vijiji.

Injili ya Marko ni mfupi kuliko hadisi ine za maisha ya Yesu ambayo tunaita '' Injili ''. Marko anaingia moja kwa moja ndani ya hadisi ya Yesu kwa sura 1, vesi 14, akisema :

'Hata baada ya Yohana kutiwa gerezani, Yesu akaenda Galilaya, akihubiri Habari Njema ya Mungu,'' alikuwa akisema : '' mda umefika. Ufalme wa Mungu umekaribiya. Tubuni na kuamini Habari njema !"

Agizo la kutubu na kuamini Habari Njema, ndiyo ya kwanza miongoni mwa zile tunazoita leo Agizo saba za msingi za Kristo.

Tunafundisha Agizo hizi saba za msingi ili kusaidia watu kuishi kama wanafunzi wa Yesu.

Sisi kama wapandaji wa makanisa, tunajuwa kama maisha ya watu yatabadilishwa kama wakiweka tumaini lao kwa Kristo na kumtii. Tunaelewa kama ''Mwivi haji ila aibe na kuchinja na kuharibu; mimi nalikuja ili wawe na uzima, kisha wawe nao tele. (Yohana 10:10)

Na tunajuwa kwamba watu wa kila aina wanapenda maisha bora : maisha ya amani, ya tumaini na yenye mwelekeo, maisha yanayojaa upendo.

Kwa hiyo, sababu gani inakuwa vigumu kwa baadhi ya watu wanao sikia hadisi kubwa ya Mungu, pamoja pia na hadisi ya Yesu na upendo wake, kutubu na kuamini Habari Njema ?

Pengine ni sababu hawaamini kabisa kama Ufalme wa Mungu umekaribia.

Watu wanao shiriki madhehebu ya kiasili wanaamini Mungu, lakini wanazania kama iko mbali nao. Watu wanaoshiriki dini ya Uislamu wanakazia sana juu ya ukoo wa Mungu, yaani yeye yuko juu sana na ulimwengu ulio umbwa Wala hahusiki nayo. Wakristo wengi wa jina wanazania kama Mungu anashugulikia sana maswala makubwa ya muhimu kwa hiyo hausike kabisa nawao. Lakini Yesu alisema kama Ufalme wa Mungu umekaribiya.

Kama watu wanaweza kuamini kwamba ufalme wa Mungu umekaribiya, itakuwa kwao rahisi sana kutubu na kuamini Habari Njema.

Kwa hiyo, sehemu kubwa ya kazi yetu sisi kama Wainjilisti walio jitolea na upandaji wa makanisa unahusu kusaidia watu kuelewa kama Ufalme wa Mungu umekaribiya.

Kazi yetu ya uinjilisti inahusu kutangaza kama Mfalme mwenye nguvu na mwenye upendo, Yesu, yuko hapa pamoja nasi sasa : ili kusamea na kuponya, ili kununuwa na kuokowa.

Kama watu wanaweza kuamini tu ya kwamba Ufalme wa Mungu umekaribiya, itakuwa kwao rahisi sana kutubu na kuamini Habari Njema.

Kuko hatuwa tatu maalum kupitiya hizo tunawasaidia watu kuamini kwamba ufalme wa Mungu umekaribiya : tunagawanya ushuhuda wetu, tunasimulia hadisi ya Yesu na tunaomba. Tunahadisia yale ambayo Yesu alifanya kwetu.

Tutasema kwa wazi kuhusu uwezo na upendo wake ukitenda kazi ndani ya maisha yetu.

Tunahadisia pia matendo yake yenye nguvu na upendo wake wa ajabu wakati aliposhinda mwili hapa duniani, imepita miaka 2000.

Na tunaomba pamoja na watu na kuombea watu, ili waone uwezo wa Mungu ukionekana kupitiya maombi yaliyojibiwa.

Wakati watu wanasikia ushuhuda wetu na hadisi ya Yesu, wakati wanaona Mungu akijibu maombi, imani inaanza kukomaa ndani yao.Wanaanza sasa kusemezana :

 Pengine ni kweli Ufalme wa Mungu umekaribiya. Pengine Yesu anaweza hakika kunipa maisha tele, yenye kujaa tumaini, ya furaha, ya upendo na mwelekeo."

Ndipo kwa wakati huo tunaweza kuwaalika wazi wazi, lakini kwa upole, kutubu na kuamini Habari Njema kuhusu maisha, kifo na ufufuko wa Yesu.

Wakati rafiki zetu wanajuwa kama Ufalme wa Mungu umekaribiya, nawao pia watatubu, wataamini na watabadilishwa kupitiya uwezo wa Mungu.

Ilikuwa " Ongezeka."

Na mimi, Dean Davis, nawauliza swali hili : 

Ni pamoja na wanani utagawanya nao leo neno hili la kutiya moyo ?

Maendeleo ya Uongozi - Uchaguzi wa Yesu katika maombi na wito wake kupitiya kura

 

             Mimi ni Chuck Rapp na ongezeka, ni podikasti iliyo na shabaha ya kuleta neno la kutiya moyo kwa wapandaji wa makanisa na kwa viongozi katika vijiji.

Mada yetu katika mwaka wa 2026 ni maendeleo ya Uongozi.

Katika podikasti zangu zilizopita, niligawanya mawazo juu ya maendeleo ya Uongozi kupitiya maneno ya Claude, Kasisi wa upandaji wa makanisa katika vijiji (VCP), Peter Kasisi makamo wa VCP na Fidélité, Mkurugenzi wetu wa Dynamic women katika Bara la Afrika.

Leo, na katika mtiririko wa podikasti zinazokuja, napendelea kupekuwa kwa ndani mafundisho ya Yesu kulingana na maendeleo ya Uongozi. Tunaanza na Kutambuwa kwamba, wakati ilipofikia kipindi cha kuchaguwa wa Mitume wake kumi na mbili, Yesu aliifanya akiwa katika maombi. Kwa kulinganisha na hayo, wito wake ulikuwa wa kuchagua.

Katika Luka 6:12-13, tunasoma : "Luka 6:12-13

[12]Ikawa siku zile aliondoka akaenda mlimani ili kuomba, akakesha usiku kucha katika kumwomba Mungu. 

[13]Hata kulipokuwa mchana aliwaita wanafunzi wake; akachagua kumi na wawili miongoni mwao, ambao aliwaita Mitume"

Yesu kuchaguwa Mitume kumi na mbili, ilikuwa azimio kubwa ya muhimu kwa Kristo.

Walikuwa watu ambao pamoja nao atakuwa nawao miaka tatu ijayo, watu atakabizi kuendelea na kazi yake baada ya kurudi kwake mbinguni. Ni muhimu kuonyesha kwamba Yesu alikuwa Mungu pia Mwanadamu katika maisha yake yote hapa duniani. Na mbele ya kuchaguwa viongozi hawa, maandiko yanatuonyesha kwamba alikesha katika maombi usiku mzima.

Shurti ambalo tunaweza kuchukuwa hapa ni kwamba, tukiwa viongozi, tunapashwa kuomba wakati tunachaguwa viongozi wanaojitokeza 

watakao alikwa kujiunga kwa kazi.

Vile miaka inavyopita, niligunduwa mara nyingi kama azimio hizi zilichukuliwa kwa urahisi sana ndani ya kanisa. Ni muhimu mtu kutekeleza kazi ndani ya huduma, na apatikane "mtu aliye tayari ", msemwa unaomaanisha mtu anayejikuta kuwa tayari kwa mda huo na kumuweka katika kazi bila kuchukuwa mda wa kuomba na kufikiria vizuri uchaguzi wake. Mchakato kama huu wa uchaguzi mara nyingi unaleta matokeo mabaya.

Kwa kuunganisha na uchaguzi wa maombi, tunapata shurti la pili : Yesu alitangaza wito wa uchaguzi. Maelezo ya vesi ya 13 inatuonyesha kama Yesu alikuwa pamoja na kundi ya wanafunzi wake, inamaanisha wale walio mfuata. Kupitiya kwa kundi hili kubwa zaidi, Yesu alichaguwa ndani yao kumi na mbili ili wawe Mitume wake.Shurti ya maendeleo ya Uongozi ninayo chunguza hapa ni kwamba : wakati tunatarajia kuchaguwa viongozi wanaojitokeza, tunastahili kuwapitisha kwa kura.

Ninawatuma katika podikasti yangu ya tarehe 24 Aprili, ambamo ndani yake nilionyesha kwa kifupi baadhi ya tabia ninazo zitafuta kwa viongozi waliyo tayari. Pengine unawezakuwa na horoza yenye utofauti mdogo.

Ya muhimu ni kwamba tufanye kura, tukizingatiya juu ya tabia za muhimu ambazo tunatarajia kuona kwa viongozi wanaokuja.

utambulisho wenye mizizi ndani ya Kristo 

 mnyenyekevu  kazi zao walizofanya Siku za nyuma na uchuzi wao uliopita

 ushupavu wao katika kazi mbali mbali

 uwezo wao wakuchukuwa uwamuzi

- wito mkubwa wa kujifunza na kukomaa

- moyo uliyo tayari kupokea mafundisho 

- mtu mwema

- sifa yao, ndani ya kanisa hata karibu na watu walio inje na kanisa

- ndoa iliyo nguvu na yenye msingi juu ya Kristo 

Ni neno la kutiya moyo kwa wapandaji wa makanisa na viongozi katika vijiji.

Tubuni na kuamini Habari Njema : Tubuni

 

           Jambo, tazama ongezeka, ni podikasti inayoleta neno la kutiya moyo kwa wapandaji wa makanisa na kwa viongozi wakikristo katika vijiji. Mimi ni Brad Snowden.

Juma lililopita, podikasti yetu ilihusika na : "sababu gani kufundisha amri 7 za msingi za Kristo ?"

Amri ya kwanza ya Yesu ni  : tubuni.

Neno la Mungu katika Mathayo 4:17 : 

""Tokea wakati huo Yesu alianza kuhubiri, na kusema, Tubuni; kwa maana ufalme wa mbinguni umekaribia.""

Yesu alianza huduma yake na neno hili : TUBUNI.

Hiyo inamaanisha kubadilisha namna ya kufikiri. Ni mabadiliko makubwa na yenye nguvu ambayo yanastahili kuwepo.

Maisha yetu ndani ya Yesu inaanza wakati tunakubali dhambi kwa huzuni na kumuomba atusamehe. Anatuosha sasa na damu yake na kubadilisha roho zetu kuwa mweupe kama balafu kwa hali ya kiroho.

Kwa hiyo, siyo jambo linalotokea mara moja tu ndani ya maisha yetu. Namna yetu ya kufikiri inastahili kuendelea kubadilishwa kila siku.

Tunaweza kuwasaidia wengine kubadilisha namna yao tu, kwa kuwahubiri Habari Njema. Wakati wanasikia kwamba wanaweza kuwa na maisha tofauti, maswali mengi yanatokea : namna gani naweza kuwa na maisha tofauti ? Sina namna ya kuwa na maisha mengine. Ni mpaka kwa hatuwa gani haya maisha mapya yatanibadilisha ?

Horoza ya maswali inaweza kuwa ndefu, lakini kila mojawapo inatupa fursa ya kugawanya Habari Njema ya Yesu-Kristo.

Roho zinaweza kubadilishwa wakati wanaelewa ukweli huu rahisi : neno "toba" siyo neno mbaya. Kinyume chake, ni habari nzuri, sababu inafunguwa roho ya kupokea Habari Njema ya upendo, ya musamaha kwa ajili ya kesho.

Ni nani asingependelea kujuwa tumaini hili ?

Kwa dunia, kuwa na matumaini inamaanisha mara nyingi kuwa na pesa nyingi ili chakula kisikosekane. Japo hiyo, tumaini inayotolewa na Mungu inaenda mbali zaidi ya hayo.

Kwa kuwa Mwanafunzi wa Yesu, inafaa mabadiliko makubwa ndani ya namna yetu ya kufikiri.

Kumepita miaka mingi, msemwa moja umekuwa maarufu : WWJD-- "What would Jesus Do " yaani Yesu angefanya nini ?

Nafikiri kwamba swali hili lilihusika na kutusaidia kubadilisha namna yetu ya kuishi. Lakini linaweza pia kwenda mbali : linaweza kubadilisha namna yetu ya kufikiri.

Tunaweza kuomba namna hii :

"Bwana Mungu, natubu sababu mawazo yangu hayakukuwa na mwelekeo kwa Neno lako, na maisha yangu hayajaonyesha kabisa kwamba namna yangu ya kufikiri imebadilika."

Tusikie pia 2Mambo ya nyakati 7:14 :

""ikiwa watu wangu, walioitwa kwa jina langu, watajinyenyekesha, na kuomba, na kunitafuta uso, na kuziacha njia zao mbaya; basi, nitasikia toka mbinguni, na kuwasamehe dhambi yao, na kuiponya nchi yao.""

Toba inahusu kugeuka kuacha maisha yako ya zamani ya dhambi ili kuishi maisha ya ujazo wa Yesu-Kristo. Ni kujinyenyekeza mbele ya Mungu na kusema :

" Bwana Mungu, nasikitika. Nisaidie kuzingatiya kwa namna nyingine maisha mapya ambayo umenipa. Nakubali hii Habari Njema, hii tumaini na haya maisha ambayo umenipa. "

Ilikuwa neno la kutiya moyo kwa wapandaji wa makanisa katika vijiji.

Saidia watu kujibu kwa hadisi kubwa ya Mungu

 

        Jambo kwa wote, naitwa Dean Davis, na munasikiliza ''ongezeka'', ni podikasti inayoleta neno la kutiya moyo kwa wapandaji wa makanisa katika vijiji.

Moja ya majukumu ya muhimu zaidi tuliyo nayo sisi kama wapandaji wa makanisa ni kuwa musimuliaji wa hadisi. Kila mutu hapendelei kabisa kujilinganisha kuwa musimuliaji wa hadisi. Ijapokuwa, mbele ya kuwa mwinjilisti, mbele ya kuweza kupanda kanisa, tunapashwa kuwa wasimuliaji wa hadisi.

Wakati Yesu alipoanza huduma ya kuhubiri, kufundisha na kuandaa wanafunzi, alisema : ''tubuni na kuamini Habari Njema.'' Habari Njema ni hadisi ya mpango wa Mungu wa wokovu, uliotekelezwa na Yesu kupitiya mfano wa maisha yake, kifo chake cha msalaba na ufufuko wa ushindi.

Kuko haina nzuri nyingi za kugawanya hadisi hii kubwa ya Mungu inayotendeka duniani. Tunaweza kusimulia mtiririko wa hadisi za kibiblia juu ya uumbaji wa Mungu wa kushangaza kuhusu uhasi wa binadamu zidi ya Mungu, juu ya namna Mungu alivyo chaguwa binadamu, Ibrahimu, ili kurejesha baraka duniani, juu ya uhasi wa binadamu unaoendelea, juu ya itaji lake la kujitowa sadaka na kuungama.

Tunaweza kusimulia hadisi kubwa ya Mungu kwa kuonyesha filamu ya YESU, inayoanza na uumbaji na inamalizika na ahadi ya Mungu kwamba Yesu atarudi. Tunaweza kugawanya Habari Njema kwa kuchora miviringo tatu na kwa kueleza uhasi wetu pia na kushindwa kwetu kuepuka kwa nguvu zetu wenyewe kanuni iliyovunjika ya dunia yetu. Tunaweza kusema juu ya maisha, ya kifo na ufufuko wa Yesu.

Mitindo yote hii ni namna bora ya kugawanya Habari njema, lakini kusimulia tu hadisi hii haitoshe. Tunaweza kusaidia watu kuishi hadisi hii ndani ya maisha yao binafsi ili waweze kugeuzwa kupitiya neema iletayo wokovu ya Mungu.

Munaona, watu wengi wanafikiri kwamba hadisi kubwa ya Mungu inahusu watu wengine. Wanazania kama ni hadisi inayohusu Mungu, Adamu na Hawa, Nuhu na watoto wake, Abrahamu, Isaka na Yakobo. Na wana haki : watu hawa wote wamefanya kazi muhimu ndani ya hadisi ya Mungu.

Lakini kama ukisikia hadisi kubwa ya Mungu kama muhuzuriaji tu wa inje, ukijihusisha tu na watu mashuhuri walio onyeshwa ndani ya hadisi hii, utakuwa umepita kando ya ujumbe muhimu.

Jambo la muhimu katika hadisi ya Mungu ni vile alivyotuma Mwana wake wa pekee aje kufa ajili ya kukuokowa aje kufa ajili ya kuniokowa. Ndiyo, kuko watu wengine wengi ndani ya hadisi hii. Lakini kama bado weye mwenyewe hautajihisi kuwa kama mutu muhimu wa hadisi hii kubwa ya Mungu, hauwezi bubadilishwa.

Siyo tu kujuwa kama Mungu anapenda ulimwengu. Siyo tu kujuwa kama Yesu alikuja kuokowa watenda dhambi. Kile tunastahili kusaidia watu kuelewa, ni kuwa Yesu alikuja kwa ajili yao na kwamba Yesu alikuja kukutana nao.

Kama tunaweza saidia watu kuona nafasi yao ndani ya hadisi hii kubwa ya Mungu, vitu vingi vitatokea.

Wakati watu wanasikia kwa mara yao ya kwanza hadisi kubwa ya Mungu, mwangaza unaanza kujitokeza. Wakati watatambuwa kwambi dhambi yao iliyosababisha Yesu kuja duniani, siku inageuka kuwa na mwangaza zaidi. Wakati wataelewa kwamba Yesu alikufa na kufufuka kwa ajili ya kuwaokowa, mwangaza wa injili unawaka zaidi.

Lakini wakati watu wataelewa ni kwa kutubu na kuamini Habari Njema, wanaweza kusamehewa, kununuliwa na kubadilishwa, hapo sasa mwangaza wa injili unakuwa na utukufu.

Sasa, simulia hadisi kubwa ya Mungu. Uisimuliye vizuri. Isimulie mara nyingi. Isimulie na hadisi, pamoja na filamu, pamoja na taswira.

Isimulie kwa mtu  moja kama vile kwa watu wengi.

Lakini ukumbuke kila siku kitu kimoja : wakati unapo simulia hadisi hii kubwa, wasaidie watu kuelewa kwamba jibu lao kwa upendo wa Mungu ni kama wakifanya hadisi hii iwe yenye kuenea.

Ukifanya hivo, utaona maisha ya watu wengi yakibadilishwa.

Ilikuwa ''ongezeka'', na mimi Dean Davis, nawauliza swali hii : ni kwa nani utagawanya nao neno hili la kutiya moyo ?

Sababu gani kufundisha amri 7 za msingi za Kristo ?

 

Karibu kwenye ongezeka, ni podikasti inayoleta neno la kutiya moyo kwa wapandaji wa makanisa, wachungaji na viongozi wakikristo.

Mimi ni muhamasishaji wenu Daneille Snowden kwa siku ya leo.

Mathayo 28:18-20 inasema : 

''Yesu akaja kwao, akasema nao, akawaambia, Nimepewa mamlaka yote mbinguni na duniani. 

[19]Basi, enendeni, mkawafanye mataifa yote kuwa wanafunzi, mkiwabatiza kwa jina la Baba, na Mwana, na Roho Mtakatifu; 

[20]na kuwafundisha kuyashika yote niliyowaamuru ninyi; na tazama, mimi nipo pamoja nanyi siku zote, hata ukamilifu wa dahari.''

Mada maalum ya mfikiri yetu ya leo ni kufundisha utii kwa amri za Kristo. Neno la Mungu linatafsiri utii kama tendo la kusikiliza kwa makini Mungu, kumtegemea na kunyenyekea chini ya mapenzi yake. Kwa kutii amri za Yesu, mwamini anaonyesha uaminifu wake kwake na kujitolea kwake.

Tusisahau kamwe mfano kamili wa utii ambao Yesu alituonyesha, kama tunavyosoma katika Wafilipi 2:8 :

''tena, alipoonekana ana umbo kama mwanadamu, alijinyenyekeza akawa mtii hata mauti, naam, mauti ya msalaba.''

Shabaa ya Mchungaji wa kanisa, Mchungaji wala kiongozi wowote ule wakikristo ni kufundisha utii. Kwa kutii amri za Yesu, tunakuwa pia mashahidi wa namna anavyobadilisha maisha na vizazi vyote, ndio maana ya kufanya wanafunzi !

Wakati Yesu alipowaita kila moja wa wanafunzi wake, alikuwa akisema ''nifuate.'' kwa kumufuata, tunapendelea kumpendeza na kumtii.

Tufanye kifupi cha amri saba za msingi za Kristo :

1. Tubuni na muamini (Marko 1:15)

2. Mubatize waamini wapya (Mathayo 28:19)

3. Mpende Jirani yako (Mathayo 22:37-39)

4. Shiriki Meza ya Bwana (Luka 22:19-22)

5. Ombeni na kutafakari Neno la Mungu (Mathayo 6:9-13)

6. Towa (Luka 6:38)

7. Fanya wanafunzi (Mathayo 28:19-20)

Wakati nilipokuwa shuleni ndani ya shuke letu la Biblia na wakati walipotufundisha amri za Kristo, moyo wangu ulijaa na huruma mwingi : jambo la kwenda tu na kuzingatiya amri hizo, maisha yangu yote !

Nikiwa bado binti kwa mda ule, na leo nakuwa mwanamuke mwenye uzoefu, naweza kushuhudia kwamba amri 7 za msingi za Kristo bado zingali muhimu sana ninapo shuhidia maisha ya wengi yakibadilishwa kwa utukufu wa Mungu. Ninapo fundisha amri hizo, tunaleta TUMAINI duniani mzima kwa utii wetu.

Ilikuwa Ongezeka.

Usikose kugawanya podikasti hii pamoja na wengine.

Utume wenye msingi juu ya utii

 

  Jambo kwa wote. Mimi ni Dean Davis, na tazama ''ongezeka'' ni podikasti inayoleta neno la kutiya moyo kwa wapandaji wa makanisa katika vijiji.

Wakati mtu anapo mpokea Yesu-Kristo kama Bwana na Mwokozi wake, wakati anapo zaliwa mara ya pili na kwa neema ya Mungu, anakuwa mtoto wa Mungu, anajiuliza kwa kawaida maswali mengi : ''na sasa ? Nini itatokea ? Haya maisha mapya ndani ya Kristo itafananishwa na nini ?'' baadhi ya waamini wapya wanapata jibu nzuri kwa swali hizi. Wengine, kwa bahati mbaya, hawapate majibu.

Unakumbuka kama uliwai kujiswali hizi swali ? Waamini wapya wengi hawaulize Mungu awajibu. Hawaulize hata kwa marafiki wao wakristo : ''ni kipindi gani cha kufuata kwangu kwa vile nimempokea Kristo ?'' wanajiuliza hizi swali wenyewe na mara nyingi, jibu sahihi wanayopata ni ''sijue'' cha kusikitisha, ni kwamba kama waamini wapya hawagundue kile Mungu anangojea kwa maisha yao mapya, wanarudilia namna yao ya zamani ya kuishi.

Ijapokuwa, Neno la Mungu linajibu swali hizi. Kipindi cha kufuata kwa mwamini mpya ni kujifunza kutii kwa amri za Yesu.

Yesu alisema katika Yohana 14:15 : mukinipenda mutazishika amri zangu.'' vesi zingine, zinaonyesha namna Bwana wetu anakazia haya mafundisho kwa kusema : ''anayeshika amri zangu nakuzitii, ndiye anipendaye. Anayenipenda atapendwa na Baba yangu ; nami pia nitampenda na nitajijulisha kwake ... Mtu akinipenda, atashika neno langu ; Baba yangu atampenda, tutakuja  na kufanya makao kwake.''

Sisi kama wanaofanya wanafunzi, muwafundishe waamini wapya kumtii Yesu ili kwamba wafanye uzoefu wa upendo wa Mungu.

Mwamini mpya anaonyesha upendo wake kwa Yesu kwa kutii amri zake. Utii unakamilisha upendo alio nao kwa Mungu. Wakati tunapochaguwa sisi wenyewe kumtii Yesu, tunafanya uzoefu wa upendo, wa furaha na upole wa uwepo wake. 

Ni uhakika wenye nguvu na wa wokovu.

Kufanya uzoefu wa uwepo wa Mungu kwa kutii amri zake inaleta furaha na amani.

Utii kwa Yesu unaleta baraka kwake anayetii, lakini pia kwa jamaa lake na jirani zake.

Lakini waamini wapya hawajajuwa hivo bado. Wanaitaji wafundishwe kutii kwa yote Yesu aliyo amuru. Yalikuwa maelekezo ya mwisho ambayo Bwana wetu alitowa kwa wanafunzi wake.

Aliwaamuru kwenda kwa mataifa yote na kuwafanya wanafunzi, ''kuwafundisha kuyashika yote niliyo waamuru''. Tunafanya wanafunzi kwa kufundisha watu kumtii Yesu. Namna hii ya kufanya wanafunzi inaitwa ''utume wenye msingi juu ya utii''.

Utume haihusike tu kabisa na kupokea mafundisho, wala kuishi maisha ya kiroho. Kuwa Mwanafunzi wa Yesu, mbele ya yote ni kumtii. Ni kwa utii huo tunamuheshimu Mungu kwa upendo wetu na ndipo tunafanya uzoefu wa uwepo wake kwa namna mpya na ya kina, ndipo anakuja kufanya makao kwetu.

Mimi ni Dean Davis, na ''ongezeka'' nawaacha na hili swali : ni pamoja na wanani utagawanya nao leo neno hili la kutiya moyo ?

Maendeleo ya Uongozi - Kuonyesha mfano, kushindikiza, Kuchunguza na kuachilia kutenda

 

    Tazama Chuck Rapp na ongezeka, ni podikasti inayoleta neno la kutiya moyo kwa wapandaji wa makanisa na viongozi wa Kikristo katika vijiji.

Mada yetu katika mwaka wa 2026 ni maendeleo ya Uongozi. Katika podikasti zangu mbili za nyuma, nilizungumza na Peter Baraka, kasisi makamo wa upandaji wa makanisa katika vijiji (VCP), pamoja na mke wake, Fidélité Ramla. Kiongozi wa Dynamic women kwa Bara la Afrika. Katika mazungumuzo yetu, Fidélité alionyesha mtindo wa maendeleo ya Uongozi ambao unazungumzwa mara kwa mara katika Shirika la VCP :

Kuonyesha mfano, kushindikiza, Kuchunguza na kuachilia kutenda 

- MAOL (MAWL)

Mbinu hii siyo ya VCP, wala siyo mpya. Kinyume chake, tunaona Yesu-Kristo na Mtume Paulo wakiitumikisha katika huduma yao. Hata naweza kusema kwamba mtindo MAOL (MAWL) ni muhimu sana kwa upandaji wa makanisa wa kizazi baada ya kizazi. Viongozi wakitume hawaishi katika hali ya kuboreka. Wanaandaa na kuwapa majukumu watu wengine ili kwamba waendeleshe kazi, wakiweka tumaini lao kwa Roho Mtakatifu ili kuwaongoza na kusaidia kizazi kijacho cha viongozi.

Kuonyesha mfano 

Tunaonyesha namna gani vitu vinafanyika. Paulo alisema : ''munifuate mimi, kama ninavyo mfuata Kristo.'' (1wakorinto 11 : 1)

Tunaonyesha ujuzi, njia ao mwenendo katika muktadha wa ulimwengu halisi. Viongozi wanaongoza kupitiya mfano kwa kueleza mawazo yao kadiri mda unavyoendelea.

Muniruhusu nirudilie : wakati tunapo tayarisha viongozi, hatuwaonyeshe tu namna vitu vinafanyika ; tunawaelewesha pia namna yetu ya kufikiri.

Paulo alikuwa na wanafunzi wengi ambao alitayarisha kuwa viongozi, kama vile Sila, Timotheo, Tito, Luka na wengine wengi.

Kiongozi wa VCP, ni viongozi gani anayejitokeza ambaye uko unatayarisha ?

Kushindikiza .

Kipindi cha kufuata kinahusu kufanya vitu pamoja. Tunatumika pembeni ya mwanafunzi. Tunampa marudilio ya hapo hapo, tunajibu swali zao na kuwatolea msaada ambao wanaitaji ili kutayarisha kwa pamoja uaminifu na ujuzi.

Barnaba alimshindikiza Paulo kwa mwanzo wa huduma ya pamoja. Tunasoma katika Matendo 11:25-26 : ''Kisha akatoka akaenda Tarso kumtafuta Sauli; 

[26]hata alipokwisha kumwona akamleta Antiokia. Ikawa kwa muda wa mwaka mzima wakakusanyika pamoja na kanisa na kuwafundisha watu wengi. Na wanafunzi waliitwa Wakristo kwanza hapo Antiokia.''

Kuchunguza 

Kwa kipindi hiki, tunarudiya nyuma na tunachunguza. Tuna ruhusu mwanafunzi kuendelea mbele wakati sisi tunafuatilia kazi yake. Baadaye, tunamupa marudilio ya kujenga ili azidishe ujuzi wake na kuzidisha alama zake za uwezo.

Vipindi vya kushindikiza na Kuchunguza vinahusu kazi ya kurudiliya. Fursa nyingi za kutumika kwa pamoja na vipindi vingi vya uchunguzi ni vya muhimu kwa kurahisisha ukomavu wa kiongozi aliye katika majifunzo.

 Achilia kutenda 

Kwa mwisho, wakati kiongozi anayejitokeza yuko tayari, ni mda wa kumuachilia kutenda ili kurahisisha uhuru wa kujiamulia mambo. Tunastahili kuwa tayari kumwachia madaraka yote, tukiwa makini kwamba yuko na vifaa vyote, ujuzi na uaminifu muhimu ili kufaulu bila msaada wetu wa moja kwa moja.

Japo hiyo, tutakuwa tayari ili kumtolea, angalau, mashauri yanayoitajika.

Kumupa moyo pia kwa kila mara ni ya muhimu sana kwa kukomaa na kufaulu kwake.

Kuachilia kutenda mara nyingi ni kazi ngumu, lakini kipindi ni cha muhimu kwa maendeleo mema ya kiongozi.

Nafurahia sana Uongozi wa Peter na Fidélité, pamoja na utashi wao wa kugawanya nami haya mawazo.

Ilikuwa neno la kutiya moyo kwa wapandaji wa makanisa na kwa viongozi wakikristo katika vijiji.

Vita vya kiroho na upandaji wa makanisa

  

     Jambo kwa wote. Naitwa Dean Davis, na tazama ''ongezeka'' ni podikasti inayoleta neno la kutiya moyo kwa wapandaji wa makanisa katika vijiji.

Moja ya bahati ya kipekee kwa Mchungaji wa kanisa ni kuwa mwakili wa Kristo. Wewe kama Mwakili wa Mungu, tunaenda katika mahali pasipo julikana na tunatangaza Habari Njema. Ni bahati kubwa ya kipekee kutangaza Habari njema. Mungu alituona tukipambana ndani ya dunia iliyo vunjika, tukijaribu kujiokowa kwa namna yetu. Alituma Mwana wake Yesu kuja kujenga ufalme mpya wa haki, wa amani na furaha. Yesu alimshinda Shetani kwa nguvu za maisha yake bila dhambi na kwa ufufuko wake wa mwili.

Ndiyo Habari njema tunayo tangaza sisi kama mawakili wa Kristo.

Kwa hiyo, shetani, mpinzani aliye shindwa na Mungu, anaendelea kutenda kazi kwa kuiba, kuuwa na kuharibu. (Yohana 10:10),  anatafuta kutuzuwia kupatanishwa na Mungu. Kila moja wetu, kwa kuja duniani, alikuwa mwenye kufa kwa ajili ya makosa na dhambi zake. Tunafuata njia za dunia hii na kanuni za nguvu za anga, roho itendayo kazi kwa sasa ndani ya wana wa kuasi. Sisi nasi, tuliishi zamani pamoja nao, tukitimiza tamaa za utu wetu wenye dhambi na kufuata mapenzi na mawazo yake. Kama wengine, tulistahili kupata ghazabu ya Mungu. Lakini Mungu, aliye mwenye rehema nyingi, kwa sababu ya upendo mkuu ambao aliotupenda, alitufufuwa pamoja na Kristo wakati tulikuwa wafu ndani ya makosa yetu.

Ni kwa neema uliokolewa. Alitufufuwa pamoja na Kristo na akatuketisha pamoja naye mahali pa mbingu katika Yesu-Kristo, ili kuonyesha katika miaka ijayo utajiri usio na mipaka wa neema yake, unao onekana kupitiya wema wake kwetu katika Yesu-Kristo. Kwa hiyo, mumeokolewa kwa neema, kwa njia ya imani. (Waefeso 2:1-8).

Sasa, sisi kama wapandaji wa makanisa, tulio okolewa kwa neema ya Mungu kupitiya tendo la Kristo, tunaenda pale ambapo Kristo hajulikane. Tunaalika waliokufa katika makosa na dhambi zao ili wazaliwe upya kama watoto wa Mungu.

Hiyo, kwa hakika, ni tendo la vita vya kiroho.

Wakati wote tunapo tangaza Kristo, wakati wote unapo onyesha upendo wake, wakati wote unapo inuwa juu Jina la Yesu, unashindana na adui. Wakati wote unapo tangaza kwa wazi na kwa uaminifu Neno la Mungu, unaendelesha ufalme wa Mungu. Wakati wote mtu aliye potea anapotubu dhambi zake na kuweka tumaini lake kwa Kristo, ufalme wa Mungu unaendelea zidi ya ufalme wa mpinzani wetu.

Na shetani hafurahie wakati ufalme wa Mungu unaendelea zidi yake.

Analipiza kisasi kama simba mwenye hasira, akitafuta nani atameza. Lakini hatuko miongoni mwa wenye woga wanao rudi nyuma. Tukiwa wapandaji wa makanisa wenye hekima, tutavaa silaha zote za Mungu (waefeso 6:10-18).

Kwa kujilinda, tuchukuwe upanga wa Roho, ambao ni Neno la Mungu. Tuhamasishe taifa la Mungu ili waombe kwa ajili yetu na kwa ajili ya watu watakaopata maisha tele ndani ya Kristo kupitiya ujumbe wetu.

Baadaye tuendelee kwa uhakika. Vita vya kiroho siyo rahisi. Mpinzani wetu anatushambulia kwa kila kipindi. Lakini aliye ndani yetu ni mkuu kuliko yeye aliye duniani (1Yohana 4:4).

Sasa, wapenzi wapandaji wa makanisa, vaa silaha zote za Mungu. Omba bila kukoma. Hamasisha waombaji. Mpende jirani yako kama nafsi yako mwenyewe. Tangaza Habari njema katika nguvu za Roho Mtakatifu. Weka tumaini kwa Mungu ili kuokowa jamaa nzima na nguvu za adui, ili wao pia wawe na uzima tele ndani ya Kristo.

Ilikuwa ''ongezeka'', mimi ni Dean Davis. Nawaacha na swali hili :

''ni pamoja na wanani utagawanya nao leo neno hili la kutiya moyo ? ''

Sababu gani kufanya wanafunzi ?

 

  Karibu kwenye ongezeka, ni podikasti inayoleta neno la kutiya moyo kwa wapandaji na viongozi wakikristo wa makanisa katika vijiji. Mimi ni Brad Snowden, na leo, napenda kufikiria juu ya hili swali : sababu gani kufanya wanafunzi ?

Yesu anatuamuru kufanya wanafunzi katika Mathayo 28:19-20;

'[19]Basi, enendeni, mkawafanye mataifa yote kuwa wanafunzi, mkiwabatiza kwa jina la Baba, na Mwana, na Roho Mtakatifu; 

[20]na kuwafundisha kuyashika yote niliyowaamuru ninyi; na tazama, mimi nipo pamoja nanyi siku zote, hata ukamilifu wa dahari. Amena.''''

Tukiwa wanafunzi wa Yesu-Kristo, ni muhimu kufanya anacho tuamuru. Tuko na misheni : kusaidia watu kukomaa ndani ya ujuzi wa Kristo, anatuambia kwenda kufanya wanafunzi katika mataifa yote, katika lugha ya Kiyunani, neno lililo tafsiriwa ''mataifa'' inamaanisha makabila, watu ao makundi ya makabila. Hiyo inajumlisha watu wote.

Tunashindikiza wanafunzi ili wakomae katika kuelewa kwao kuhusu Mungu.

Kulingani na maandiko, moja ya vipindi vya kwanza ni kushuhudia kile Kristo alitenda ndani ya maisha yetu. Ushuhuda huu wa hazarani unaonekana kupitiya ubatizo. Ubatizo ni njia yenye nguvu ambayo Mungu anatumikisha kwa kutufundisha kwa kumaanisha kutumikia Kristo na kumufuata. Kipindi hiki kinajenga pia fursa ya kutiya watu wengine moyo kwa  kujitolea kwao nao. Ni kipindi cha kwanza kilicho rahisi cha utume. Ubatizo ni moja ya shurti za kanisa. Shurti ingine ni Meza ya Bwana. Hapo pia, ni kipindi bora cha mafundisho na kukomaa ndani ya maisha ya kila moja.

Ni muhimu kusherekeya kila kipindi cha uku kukomaa. Ndiyo maana Yesu alitupa mpango uliyo rahisi ili kusaidia kila mtu kuelewa vizuri ginsi alivyo na namna ya kumufuata kwa karibu. Utume unahusu kufundisha Neno la Mungu na kuonyesha jinsi ya kuitekeleza ndani ya maisha ya kila siku.

Tuko na jukumu kubwa ya kufundisha kila mwanafunzi kufuata maagizo ya Yesu. Hapo pia, katika lugha ya Kiyunani, moja ya tafsiri ya hili neno ni ''kuchunga'' ao ''kushika kwa nguvu'' tunastahili kushikamana na Neno la Mungu kwa nguvu sana wakati matatizo yanapotokea, na hiyo inaweza kufundishwa kwa waamini wapya.

Mimi mwenyewe nilipitiya majaribu mengi. Kama nisingekuwa nilifundishwa kama mwanafunzi kushikilia kwa nguvu maagizo ya Mungu, nisingekomaa kupitiya mawimbi ya dunia.

Mda huu wa kukomaa ndani ya Neno la Mungu unaandaa waamini ili waamasishwe kufanya wao wenyewe wanafunzi. Tunatayarisha watu wengine kwenda kuendeleza kazi ambayo Mungu aliwapa. Kufundisha wale wanaofanya wanafunzi na namna ambayo tunafuata mtindo wa mpangilio wa Mungu kwa kila Kijiji, kila nyumba na kila jamaa.

Tuko na fursa nzuri sana ya kuamasisha wanafunzi wengi wa Yesu ili waende kutekeleza mpango wa Mungu kwa kila roho, kila nyumba na kila Kijiji. Ndio maana tunastahili kufanya wanafunzi : ili wajikusanye, wakomae pamoja na Kristo na kubadilisha jamaa na vijiji.

Neno hili liwatiye moyo wapandaji wote wa makanisa katika vijiji.

Ni pamoja na wanani utagawanya nao ujumbe huu leo ?