Maendeleo ya Uongozi - Yesu anafundisha makutano na kutowa maelekezo kwa Mitume

 

  Mimi ni Chuck Rapp na ongezeka, ni podikasti inayoleta neno la kutiya moyo kwa wapandaji wa makanisa na viongozi wakikristo katika vijiji.

Mada yetu katika mwaka wa 2026 ni maendeleo ya Uongozi. Katika podikasti yangu iliyopita, tulijadili ginsi Yesu alivyokuwa akichukuwa mda wa kukaa pamoja na Mitume wake na ginsi ilivyoleta faida kwa maendeleo ya Uongozi wao. Leo, tunajadili swali hili kwa undani zaidi.

Yesu alifundisha makundi na kutowa maelezo na maelekezo ya kina zaidi kwa Mitume.

Tunapata ndani mfano kupitiya mfano wa mpandaji, unaotolewa katika Marko 4.

Kwa vesi ya 1 na ya 2, tunasoma :"Akaanza kufundisha tena kando ya bahari. Wakamkusanyikia mkutano mkubwa mno, hata yeye akapanda chomboni, akakaa baharini, mkutano wote ulikuwako juu ya nchi kavu kando ya bahari. 

[2]Akawafundisha mambo mengi kwa mifano, akawaambia katika mafundisho yake"

Mbali zaidi kwenye sura hiyo kwa vesi ya 10. Tunasoma :"Naye alipokuwa peke yake, wale watu waliomzunguka, na wale Thenashara, walimwuliza habari za ile mifano." Yesu akachukuwa vesi kumi zifuatazo ili kueleza mfano huo na kuelewesha hao Mitume 12.

Mbali tena zaidi katika 4, Yesu anasimulia mfano wa mbegu ya haradali, na hadisi inaishia kwenye vesi ya 33 na 34 :"Kwa mifano mingi ya namna hii alikuwa akisema nao neno lake, kwa kadiri walivyoweza kulisikia; 

[34]wala pasipo mfano hakusema nao; lakini akawaeleza wanafunzi wake mwenyewe mambo yote kwa faragha."

Sehemu ingine, katika Mathayo 13, Yesu alifundisha kupitiya mfano wa magugu. Kwenye vesi ya 36, tunasoma : "Kisha Yesu akawaaga makutano, akaingia nyumbani; wanafunzi wake wakamwendea, wakasema, Tufafanulie mfano wa magugu ya kondeni."

Wakati tutakapo tumikisha mtindo wa Yesu katika mwelekeo wetu wa maendeleo ya Uongozi, shurti ambalo ningependelea ni hili lifuatalo : hata kama Yesu alifundisha makundi kwa kawaida alielewesha mifano yake kwa watu wa karibu yake sana.

Ndivyo ilivyo mara nyingi leo na viongozi wa makanisa na viongozi wa VCP. Habari zinaweza, na zingestahili kugawanywa fasi nyingi, lakini maelezo kuhusu mafikiri na mazingatio yote yaliyosababisha kuleta maamuzi mara nyingi yanaachiwa kwa watu walio karibu na viongozi.

Hayo yanafanyika pia wakati tunapo shindikiza viongozi wanaojitokeza katika maendeleo yao.

Wakati tunapo chukuwa maamuzi yaliyo na faida kwao, mara nyingi ni muhimu sana kuwa na mawasiliano pamoja nao ili kuwaelewesha mafikiri yetu. Hii ni kwa ajili ya kuwasaidia kutengeneza vizuri uwezo wao binafsi wa Kuchunguza na kuwatayarisha kusimamia majukumu makubwa yajayo.

Ilikuwa neno la kutiya moyo kwa wapandaji wa makanisa na viongozi wakikristo katika vijiji.

Ku shiriki mara kwa mara Meza ya Bwana

 

     Jambo kwa wote ! Naitwa Dean Davis, na tazama ''ongezeka'' ni podikasti inayoleta neno la kutiya moyo kwa wapandaji wa makanisa katika vijiji 

Wapandaji wa makanisa wanafundisha wakaaji wa vijiji kutii Agizo saba za msingi za Yesu-Kristo. Munakumbuka Agizo hizo :

1. Kutubu na kuamini Habari Njema.

2. Kumpenda Mungu na Jirani.

3. Kubatiza

4. Kuomba na kutafakari kila Siku Neno la Mungu

5. Kushiriki Meza ya Bwana 

6. Kutowa

7. Kufanya wanafunzi 

Nafikiri kwamba moja ya Agizo za Yesu ambayo ilieleweka vibaya zaidi ilitamkwa usiku pale alipo salitiwa, wakati alipo chukuwa mkate, akaumega na akasema : "huu ni mwili wangu, uliotolewa kwa ajili yenu ; fanyeni hivi kwa kunikumbuka." (Luka 22:19).

"Fanyeni hivi kwa kunikumbuka." Hii inafanana kuwa Agizo lililo rahisi sana. Kumega mkate, kukamata kikombe cha divai ao maji ya mzabibu nyekundu, na kukumbuka Yesu. Kukumbuka agano Jipya. Kukumbuka mwili wake uliovunjwa kwa ajili yetu. Kukumbuka upendo wake uliotawanyika kwa ajili ya musamaha wa dhambi zetu.

Kwa mtazamo wa kwanza, ni Agizo lililo rahisi sana kutekeleza. Lakini maana yake ina kina zaidi.

Kwa hiyo, kushiriki Meza ya Bwana inaturuhusu kukumbuka yale yote yaliyo mema katika Injili. Wakati wa Meza ya Bwana, tunakumbuka kuwa dhambi zetu zilikuwa tatizo, na Mungu alichukuwa azimio kubwa ili kupata musamaha wetu wa dhambi : alimtuma Mwana wake wa pekee aje kufa kwa ajili yetu.

Wakati wa Meza ya Bwana, tunajuwa kwamba tunaweza kuishi kwa mawasiliano bora na Mungu sababu Yesu alimwaga damu yake kwa ajili yetu.

Wakati wa Meza ya Bwana, tunafanya uzoefu wa neema ya Yesu unao samehe.

Na wakati wa Meza ya Bwana, tunapata kwa Mungu nguvu muhimu ili kupambana na magumu yanayotokea mbele yetu, kama vile Yesu mwenyewe alivyo kabiliana na magumu ya msalaba.

Tukiwa wana wa Mungu, tuna itaji haya mambo yote. Tunaitaji kukumbuka upendo mkubwa ambao baba anao kwa kila m'moja wetu. Tunaitaji kukumbuka sadaka kubwa ya kafara ambayo Yesu alifanya kwa kupata wokovu wetu. 

Tunaitaji kukumbuka kwamba tunaweza kuja kwake ili kupata musamaha wa dhambi na nguvu.

Kumbukumbu hizi zinatupa nguvu na kuimarisha imani yetu. Tunaelewa kwamba Yesu alilipa yote. Yesu alimshinda Shetani kwa kumwaga damu yake kwa ajili yetu.

Yesu alijuwa kama tunaitaji hii neema yote na ya zaidi tena. Ndiyo maana alisema :"Fanyeni hivi kwakunikumbuka."

Wakati tunapokea kikombe na mkate kwa kukumbuka kujitolea kwa Yesu kwa ajili yetu, tunabarikiwa na kubadilishwa.

Ndiyo maana kusherekeya Meza ya Bwana kila Siku ni jukumu la muhimu la kila kanisa. Na ndiyo maana kupokea mkate na kikombe inafanya tendo la utii kwa Kristo linalotowa uzima.

Kwa hiyo, wapenzi wapandaji wa makanisa, wakati unapopanda kanisa lako, hakikisha kama taifa lako linaweza kushiriki kila wakati Meza ya Bwana.

Usisahau wala kuzarau umuhimu wake.

Azimia kwamba Meza ya Bwana inafanyika katika kanisa lako angalau mara ine kwa mwaka .

Unaitaji mibaraka inayotokana na utii kwa Kristo kwa namna hiyo, na taifa lako linaitaji pia hayo.

Wakati Meza ya Bwana ikisherekewa kwa heshima na kwamba hadisi ya kifo cha kujitowa kafara cha Yesu inasimuliwa wazi wazi, wakati washiriki wa kanisa lako wanajenga upya imani yao kwa Kristo na wanajisikia mara nyingine tena upendo wake mkubwa, kanisa lako litaimarika.

Ilikuwa "Ongezeka", mimi ni Dean Davis na ninawauliza :

Ni kwa wanani utagawanya nao leo ujumbe huu

Meza ya Bwana ni nini

 

        Jambo, munasikiliza ''ongezeka'' ni podikasti inayoleta neno la kutiya moyo kwa wapandaji wa makanisa katika vijiji na viongozi wakikristo. Mimi ni Brad Snowden, na leo, napendelea kuongea juu ya Meza ya Bwana. Maombi yangu ni kwamba mioyo yetu iguswe na Roho wa Yesu, na kwa wakati huu wa nguvu tuweze kuishi wakati tunapogawanywa chakula hiki pamoja na wanafunzi wote wa Yesu-Kristo.

Luka 22:15 "Luka 22:15

[15]Akawaambia, Nimetamani sana kuila pasaka hii pamoja nanyi kabla ya kuteswa kwangu"

Yesu alipendelea kuwa na mda pamoja nao kwa upendo na ukaribu, ili kwamba awagawiye Roho yake.

Meza ya Bwana, ao ushirika Mtakatifu, unamaanisha kulingana na kamusi, ushirika wa upendo, mawasiliano yaliyo nyooka na mtu moja.

Hii ndiyo Roho ya Ushirika.

Ushirika ni wa muhimu kwa mawasiliano yetu na Bwana. Ni mda ambao tunaweza kuangalia kwa makini siyo kwa ajili ya yale tulio nayo mkononi, bali yale tuliyo nayo rohoni mwetu. Tuko na fursa ya kuuliza roho zetu, mawazo yetu na maisha yetu, kwa kuruhusu Mungu atumike ndani ya hayo. Mda ambao tunakuwa katika ushirika pamoja naye ni mda muhimu, sababu inampa Bwana fursa ya kuchunguza roho zetu na kuhakikisha kwamba hakuna dhambi inayoweza kututenganisha naye.

Ni mda wa ushirika wa upendo pamoja na Mungu, unao turuhusu kumupa fursa ya kusema nasi.

Meza ya Bwana ni mda wetu wa ushirika pamoja na Mungu wa uumbaji.

Pia ni mda ambao tunamupa ili aweze kutumika katika mawasiliano naye. Ni mda wa upekee ambao tunaweza kubadilishwa, kama tuna ruhusu Mungu kutumika ndani yetu.

Sisi kama viongozi, tunaweza kuona maisha yakibadilishwa, na Mungu anaweza kutumikisha mda huo wa Meza ya Bwana kwa kutekeleza kazi yake ndani ya maisha yetu. Tunastahili kuwajibika sana na kuwa waaminifu katika utumishi, ili kuwapa washiriki wetu bahati ya kuishi mda huu maalum. Tuko na baraka ya kuweza kufikiri kwa makini juu ya sadaka ya kafara ambayo Yesu alijitowa kwa ajili yetu.

Luka 22:19 "Akatwaa mkate, akashukuru, akaumega, akawapa, akisema, [Huu ndio mwili wangu unaotolewa kwa ajili yenu; fanyeni hivi kwa ukumbusho wangu."

Kukumbuka sadaka hii ya kafara ya Yesu, aliyotowa maisha yake kwa ajili ya dhambi zetu, inarudisha maisha kuwa na uwezekano. Tuko na mda huu kwa ajili ya kumushukuru kwa ajili ya kujitowa kwake kwa ajili yetu. Tendo hili la shukurani linafanya tumkaribie zaidi Bwana, na hiyo ndiyo itaji ya Roho yake : kuwa na ushirika pamoja nasi.

Luka 22 :20 "Kikombe nacho vivyo hivyo baada ya kula; akisema, Kikombe hiki ni agano jipya katika damu yangu, inayomwagika kwa ajili yenu.]"

Tuko pia na mda wa kumbukumbu na furaha, tukikumbuka kama Yesu alikubali damu yake imwangika kwa ajili ya musamaha wa dhambi zetu.

 Uwezo wa damu yake umetolewa kwetu sote na unatufunguwa na uzito wa kifo kutokana na dhambi. Alitowa damu yake, akijuwa kama uhuru utapitiya kwa sadaka hii ya kafara.

Tunafurahi sababu leo tena, damu yake inanguvu kwa kukombowa mateka.

Mda huu mchache tu wa ushirika ni muhimu kwetu na kwa maisha yetu ya kiroho.

Ilikuwa neno la kutiya moyo kwa wapandaji wa makanisa katika vijiji.

Ni kwa wanani utagawanya nao leo ujumbe huu?

Umpende Jirani yako

 

Jambo kwa wote ! Naitwa Dean Davis, na tazama ''ongezeka'' ni podikasti inayoleta neno la kutiya moyo kwa wapandaji wa makanisa katika vijiji.

Amri ya Yesu inayotufundisha kumpenda Jirani kama nafsi zetu wenyewe inaonekana kama vile ni ya kawaida kama vile mimi, ulikomaa ukienda kanisani, ukishiriki darasa za watoto na vijana. Lakini, kama vile mambo mengi yaliyoyafundishwa na Yesu, amri ya kumpenda Jirani kama nafsi zetu wenyewe hakika ni amri isiyo geuka. Kwa kuelewa ni kwa kiasi gani amri hii ni shurti, tukumbuke hadisi ambayo Yesu alisimulia kwa kusaidia mtu aliyejidai kuwa mwenye haki kwa macho yake mwenyewe akielewa nini inayo maanisha Kumpenda Jirani.

"Luka 10:30-35

[30]Yesu akajibu akasema, Mtu mmoja alishuka toka Yerusalemu kwenda Yeriko, akaangukia kati ya wanyang’anyi; wakamvua nguo, wakamtia jeraha, wakaenda zao, wakimwacha karibu ya kufa. 

[31]Kwa nasibu kuhani mmoja alishuka kwa njia ile; na alipomwona alipita kando.

[32]Na Mlawi vivyo hivyo, alipofika pale akamwona, akapita kando. 

[33]Lakini, Msamaria mmoja katika kusafiri kwake alifika hapo alipo; na alipomwona alimhurumia, 

[34]akakaribia, akamfunga jeraha zake, akizitia mafuta na divai; akampandisha juu ya mnyama wake, akampeleka mpaka nyumba ya wageni, akamtunza. 

[35]Hata siku ya pili akatoa dinari mbili, akampa mwenye nyumba ya wageni, akisema, Mtunze huyu, na cho chote utakachogharimiwa zaidi, mimi nitakaporudi nitakulipa."

Hadisi hii inatufundisha kwamba Jirani zetu siyo wale tu wanaoishi kandokando yetu na wanaotujuwa vizuri. Tunaitwa kuwapenda wageni, kama Msamaria alivyofanya.

Hadisi ya Yesu inatufundisha kama upendo zidi ya Jirani yetu itazuiya miradi yetu.

Kumpenda Jirani yetu pia inagharama. Kama tunatarajia kupenda wengine, tunastahili kuwa na moyo mwema.

Kwa mwisho, tunajifunza kupitiya hadisi ya Yesu kama kumpenda Jirani yetu inamaanisha kuwapenda watu wasiokuwa wa kabila letu ao wa taifa letu, kama Msamaria alivyopenda huyu mtu Myahudi aliyepigwa.

Upendo ambao Yesu anatuamuru siyo wa jinsia ao ule wa hisia. Siyo pia upendo wa faida ambao Yesu anatuomba kuonyesha. Siyo rahisi kutii amri ya Yesu ya kupenda Jirani kama sisi wenyewe.

Upendo ambao Yesu anatarajia kwetu zidi ya Jirani zetu hautokani tu na hali yetu ya utashi tukiwa kama wanamemba wa jamaa wala ukoo. Yesu anatuita kumpenda Jirani yetu kwa upendo wa kujitolea.

Hii inaweza kuwa tatizo kubwa kwa waamini wapya, zaidi kama walikuja kwa Yesu wakitumainia kwamba Yesu atatatuwa shida zao. Ni kweli Yesu anajibia maitaji yetu mengi katika dunia hii, na shida zetu katika dunia ijayo.

Lakini pia anaitaji kuona tukionyesha tabia yake, huruma yake na neema yake.

Anatarajia kuona tunawapenda Jirani zetu kwa upendo wa kujitolea.

Ijapokuwa, siyo rahisi kutii amri zote za Yesu. Tunaitaji nguvu yake, uwepo wake na upendo wake hata akitumika ndani yetu.

Sasa, muwafundishe vizuri wanafunzi wenu ukuu wa upendo wakujitolea wa Kristo.

Muwafundishe kama hatawaacha kamwe yatima.

Lakini pia muzidi sana kuwafundisha kuweka tumaini lao kwa Kristo ili kupokea uwezo unaostahili kuwapenda Jirani zao kama wenyewe.

Ilikuwa "Ongezeka". Mimi ni Dean Davis, nawauliza swali hili : "Ni pamoja na wanani utagawanya nao leo neno hili la kutiya moyo ?"

Mwongozo wa mtindo wa mashamba ine

 

             Jambo kwa wote, naitwa Dean Davis. Na munasikiliza ''ongezeka'' ni podikasti inayoleta neno la kutiya moyo kwa wapandaji wa makanisa katika vijiji.

Imewai kukufikia kuuliza kwa mwana muziki maarufu ''ni kwa namna gani unafanya ili kucheza namna hii?'' kama ni ndio, pengine alikujibu kwa swali lingine : ''namna gani ninafanya nini ?'' unamaanisha sasa : ''namna gani unajuwa ni kwa sauti gani utaimba ? Kufata mtindo gani ? Ni kwa namna gani unafikia kutunga muziki muzuri kwa kutumia chombo hiki ?

Wasaani wamoja watakujibu : '' hakika sijue. Niliangalia tu watu wengine wakicheza. Baadaye nikanunuwa chombo, nikaanza kujifunza, na sasa ninacheza tu.''

Mtindo huu unastahili kwa watu ambao kwa asilia ni wazoefu wa muziki, lakini siyo hivo kwa watu wengi. Baadhi ya watu wengi wanaitaji kufunzwa kwa mtindo maalum kama wangependa kucheza na chombo.

Ni hivo pia kwa wapandaji wa makanisa. Kuko wapandaji wa makanisa wenye uzoefu ambao walianza tu kuhubiri na kuwakusanya watu ili kuabudu Mungu. Waliangalia tu wachungaji katika huduma yao na wakaanza tu kupitiya hisia zao namna gani ya kupanda makanisa mapya, bila kupata mafundisho mengi. Lakini haina ya hawa wapandaji wa makanisa wako nadra, na, mara nyingi, hawajue ginsi ya kufundisha watu wengine kupanda makanisa. Kama vile wengi miongoni mwa wasaani wako na haja ya kujifunza kuchezesha chombo. Wapandaji wengi wa makanisa wanaitaji kufundishwa ili wajue kupanda kanisa.

Haina ya mashamba ine inahusu mafundisho ya msingi ambayo wakristo wakawaida wanaitaji ili kupanda na kuzidisha makanisa. Ni mtindo bora, sababu iko rahisi kuelewa na kurahisisha kuzalisha. Wote wanaoitaji kupanda makanisa watazidishwa nguvu kama wakichukuwa kila mara mtindo wa mashamba ine. Ndio kwa maana imechapishwa nyuma ya vitabu vya VCP kwa kila muhula. Imetengenezwa ili ichukuliwe kila mara na kugawanywa pamoja na wanafunzi.

Mtindo wa mashamba ine inajibu swali la ''ni wapi kwa kuanzia ?''

Utaanza na kuomba ili Mungu akusaidiye kupata watu wa amani ndani ya Kijiji ambako hakuna kanisa. Utaanza na hatuwa ya maombi. Hiyo inamaanisha kama utatembea Kijiji chote, macho yakiwa wazi na moyo mwangalifu, katika kuomba ndani ya Kijiji kilicho na itaji ya kanisa. Utaomba kwa  Mungu akuongoze kuelekea watu wa amani : watu wasikivu, wakaribishaji na wenye haja ya kumjuwa Mungu.

Mtindo wa mashamba ine inakuonyesha pia kile unastahili kufanya wakati unapata watu wa amani : msaidie kuweka tumaini lake kwa Yesu Kristo kama Mwokozi wake. Mufundishe Ku alika jamaa lake na maraflki kuja kusikia Habari Njema ya Yesu. Saidia kikundi hiki kujifunza kutii kwa yote Yesu aliyo amuru.

Kwa mwisho, mtindo wa mashamba ine inakufundisha kuandaa viongozi kwa ajili ya kanisa lako mpya na kuwatuma kwa vijiji vingine ambavyo havina kanisa ili waanze mchakato wote wakiomba na kutafuta watu wengine wa amani.

Kwa hiyo, mtindo wa mashamba ine ni mwongozo lakini pia ni mwongozo wa maombi. Tunastahili kumuomba Roho Mtakatifu atende kazi ndani ya kila moja ya  shamba hizi ine.  Tunaitaji msaada wa Mungu ili kupata watu wa amani. Tunaitaji msaada wake ili kutangaza waziwazi na nguvu Habari njema. Tunaitaji hekima ya juu ili kufanya wanafunzi na kufundisha na kuunda vikundi vipya vya maabudu. Na tunaitaji hakika msaada wa Mungu ili kuandaa na kutuma viongozi ili watumike ndani ya kanisa letu Jipya na wanapanda makanisa mengine ndani ya vijiji vingine.

Wakati unaendelesha kazi yako ya upandaji wa makanisa, acha mtindo wa mashamba ine ukuongoze. Pengine unajisikia kama hauna uzoefu, lakini Mungu atakusaidia kama ukiwa mwaminifu kwake na kutumikisha kwa mwisho mtindo wa mashamba ine kwa upendo mkubwa kwa watu wanaopotea.

Ilikuwa neno la kutiya moyo kwa wapandaji wa makanisa katika vijiji. Mimi ni Dean Davis, nawaacha na hili swali, ni pamoja na wanani utagawanya nao leo neno hili la kutiya moyo ?