Jambo kwa naitwa Dean Davis, na tazama ''ongezeka'' ni podikasti inayoleta neno la kutia moyo kwa wapandaji wa makanisa katika vijiji. Kukabidhi majukumu ya huduma ni sehemu muhimu ya uongozi wa kanisa. Na pia ni muhimu katika mchakato wa kufanya wanafunzi. Chukua muda sasa kujibu maswali haya mawili rahisi: Ninapofanya kazi na wanafunzi wangu, je, mara nyingi mimi huwapa majukumu ambayo ni makubwa sana kwao? Au, je, ninawapa majukumu rahisi sana, yanayoweza kudhibitiwa? Unaweza kusitisha podikasti hii ili kufikiria hili ukipenda.
Maswali haya mawili ni muhimu sana. Ikiwa tunawapa wanafunzi wetu majukumu ambayo ni makubwa sana kubeba, wanaweza kuvunjika moyo. Ikiwa hawajui la kufanya au jinsi ya kufanya, mambo yataenda vibaya. Hata kama wanajua la kufanya na jinsi ya kulifanya, lakini hawana wakati wa kukamilisha kile ambacho umewauliza, hii inaweza kusababisha matatizo makubwa. Kwa upande mwingine, wakati mwingine wafuasi wako, wako tayari kufanya mambo makubwa na kuchukua majukumu mazito. Lakini ikiwa hutambui uwezo na nia yao, mambo yanaweza pia kwenda vibaya. Watafadhaika, na wanaweza kuanza kujitilia shaka, na pengine hata kukuacha utafute mahali ambapo karama zao na ujuzi wao vitatumika vyema katika Ufalme wa Mungu.
Kwa hiyo, tunapaswa kufuata miongozo gani tunapowakabidhi wanafunzi wetu madaraka?
Hapa kuna kanuni tano zinazonisaidia sana: 1. Onyesha maono makubwa.
2. Kuwa mwangalifu kwa uwezo, vipawa na ujuzi wa wanafunzi wako.
3. Wape majukumu yanayowasogeza mbele kidogo.
4. Thibitisha mara kwa mara kile wanachofanya vizuri.
5. Wasaidie kwa subira kujifunza kutokana na makosa yao ili wawe na nguvu zaidi wakati ujao.
Maono ya VCP: kanisa katika kila kijiji cha Kiafrika ifikapo 2050, ni maono makubwa na yenye matarajio makubwa. Ndivyo ilivyo Agizo Kuu: kufanya wanafunzi wa mataifa yote. Shiriki maono haya mara kwa mara na kwa uwazi. Kisha, ukikumbuka karama na uwezo wa wanafunzi wako, wape majukumu ya maana ambayo yanawapa changamoto ya kuomba, kujinyoosha, na kutafuta masuluhisho ya busara.
Daima thibitisha kile ambacho kimefanywa vizuri. Warekebishe kwa upole na uwaelekeze ili wawe na ujuzi zaidi wakati ujao. Ndugu yangu, dada yangu, fuata mfano wa Yesu: wape wanafunzi wako majukumu ya maana. Ukifanya hivyo, utabarikiwa, watabarikiwa, na neema ya Mungu itaonekana kwa namna ya kushangaza !
Ilikuwa ''Ongezeka'', na mimi ni Dean Davis, nawauliza ni pamoja na wanani utagawanya nao leo neno hili la kutiya moyo ?
Hakuna maoni:
Chapisha Maoni